MNEEN

Tart sa kremom od bijele čokolade i maskarponea

Sasvim običan dan kada će za osmijeh biti dovoljan jedan jednostavan recept za tortu koja se ne peče☺️

Šta vam je potrebno za tart sa kremom od bijele čokolade i maskarponeom pogledajte u nastavku.

Sastojci:

Za koru:

300g mljevenog keksa

200g Dijamant Dijavit margarina

50g kristal šećera

4 kašike soka od cijeđene narandže

Za fil:

200g bijele čokolade

450g Zanetti maskarpone sira

150ml slatke pavlake

2 kašike šećera u prahu

oko 400g svježeg sezonskog voća

 

Priprema:

Keks pomiješajte u činiji zajedno sa šećerom, pa ga prelijte istopljenim margarinom, zatim dobro promiješajte pa sadržaj činije istresite u kalup za tart.

Uz pomoć kašike ili čaše sa ravnim dnom utisnite smjesu od keksa uz dno i do ivice kalupa. Ostavite u frižideru da se hladi.

U vatrostalnu činiju izdrobite bijelu čokoladu i dodajte 150g maskarpone sir. Zatim tu činiju stavite na šerpu u kojoj se nalazi voda i topite čokoladu na pari uz povremeno miješanje dok se sasvim ne rastopi i poveže sa sirom. Bitno je samo da voda iz šerpe ne dodiruje dno činije.

Skinite činiju sa pare, pa kada se ohladi do sobne temperature dodajte ostatak sira  i mutite mikserom nekoliko minuta dok ne postane fino kremasto.

U posebnoj posudi umutite slatku pavlaku sa šećerom u prahu pa je umiješajte spatulom u fil od bijele čokolade. Tako pripremljen krem ulijte preko kore od keksa.

Ravnomjerno razmažite i ostavite u frižider na 3h da se dobro ohladi.

Prije služenja poređajte voće preko krema, to mogu biti maline, jagode, borovnice, breskve, kajsije, kupine, bilo koje svježe voće po vašem ukusu.

Ukoliko želite  da dodatno ukrasite tart, na kraju  možete posuti šećerom u prahu.

Ostavite komentar

Vaša email adresa neće biti objavljena. Obavezna polja su označena sa *

one + 18 =